Жанубий Корея расмийлари КХДРга қарши бир томонлама қўшимча санкциялар жорий этди. Бу ҳақда «РБК» хабар бермоқда.
Чекловчи чоралар 30 ташкилот ва 40 нафар жисмоний шахсга тааллуқли бўлади. Сеулда аниқлик киритилишича, рўйхатдаги 24 ташкилот ва 38 киши Шимолий Кореяда бўлиб, қолганлари эса унинг ташқарисида. Уларнинг Жанубий Корея ҳудудидаги активлари музлатилади, мамлакат фуқароларига эса мазкур шахслар ва ташкилотлар билан молиявий шартномалар тузиш ман этилган.
Шунингдек, Сеул 180 кун ичида Шимолий Кореяда бўлиб қайтган ҳар қандай кемага ўз ҳудудига киришни тақиқлаб қўйди. Олдин бундай чеклов фақат КХДР кемаларига оид эди.
Изоҳ (0)