Yevropa komissiyasi ittifoqning ayrim davlatlarida paydo bo‘lgan ichki chegaralardagi nazorat bekor etilmasa, YeI iqtisodiyoti milliardlab yevro yo‘qotishini bashorat qilmoqda. Bunga yo‘l qo‘ymaslik uchun Bryussel Shengenni qutqarish rejasini ishlab chiqdi, deya xabar beradi “Interfaks”.
Germaniyaning Suddeutsche Zeitung nashri ma’lumotlariga ko‘ra, chegaralardagi tekshiruvlar YeI fuqarolarini erkin harakatlanishdan mahrum etishdan tashqari, turizm, transport va logistika sohasiga zarba beradi, qit’a iqtisodiyotiga 7 dan 18 milliard dollargacha zarar keltirishi mumkin (bu 26 mamlakat kiruvchi Shengen hududi yalpi ichki mahsulotining 0,13 foizini tashkil etadi).
Yevropa komissiyasi rejasiga ko‘ra, bunga yo‘l qo‘ymaslik uchun avvalo YeI tashqi chegaralarini himoya qilishda Gretsiyaga yordam berish va bunga Frontex agentligini jalb etish zarur. Kuzga borib umumqit’a chegara va qirg‘oq xizmatlari tayyorgarligi yakunlanishi va ular Yevroittifoq chegaralarini qo‘riqlashni boshlashi talab etiladi. 2016-yil oxiriga borib esa YeI ichidagi chegara nazorati to‘liq bekor qilinishi lozim.
Izoh (0)