Qozog‘istonning Air Astana milliy aviakompaniyasi o‘z uchuvchilaridan birini narkotiklar tufayli ishdan haydadi, deya xabar bermoqda “TASS” kompaniya matbuot xizmatiga tayanib.
Havo kemasi kapitani Roman Bikov Moskvadan Olmaota aeroportiga uchib kelgach, qo‘lga olingan. Aeroport binosidagi xizmat iti uning plashi cho‘ntagidan narkotiklarni topib olgan. Ekspertiza uning marixuana ekanligini ko‘rsatdi. Bunday modda 39 yoshli uchuvchining organizmida ham aniqlangan. U narkotiklarni so‘nggi uch yildan buyon iste’mol qilib kelishini, Moskvadan uchib ketish oldidan ham marixuana qabul qilganini tan oldi.
Jinoyat kodeksining narkotik vositalar kontrabandasi va noqonuniy aylanmasi moddalari bo‘yicha tekshiruv boshlandi.
Izoh (0)