Turkiyada davlat sirini oshkor etishda gumon qilingan jurnalistlar ozodlikka chiqarildi
Turkiyada ayg‘oqchilik hamda davlat sirlarini oshkor etishda gumon qilingan jurnalistlar Jan Dundar va Erdem Gul ozodlikka chiqarildi, deb xabar beradi Meduza.
Foto: PusulaJan Dundar Cumhuriyet muxolif gazetasining bosh muharriri bo‘lsa, Erdem Gul uning Anqaradagi byurosiga boshchilik qiladi. Ular 2015-yilning 27-noyabrida Suriyaga o‘tkazilishi ko‘zlangan qurol-yarog‘ yukining ushlab qolinishi bilan bog‘liq maqola chop etgani uchun qo‘lga olingan edi. Jurnalistlar yetkazib berish bilan Turkiya maxsus xizmatlari shug‘ullanganini ta’kidlagandi. 15-fevral kuni sud ishni ko‘rib chiqib, ularning hibsda tutib turilishini g‘ayriqonuniy deb topdi.
Sud qarorida jurnalistlarning hibsga olinishi so‘z va matbuot erkinligi prinsiplariga zid kelishi ta’kidlab o‘tildi.
Izoh (0)