O‘zbekistonda 27-fevral kuni havo o‘zgarib turadi, yog‘ingarchilik kutilmaydi. Bu haqda “O‘zgidromet” markazi xabar bermoqda.
27-fevralga o‘tar kechasi O‘zbekistonning tog‘li hududlarida +7 darajagacha, Qoraqalpog‘iston Respublikasi, Xorazm, Andijon, Namangan va Farg‘ona viloyatlarida +8 darajagacha iliq bo‘lishi kutilmoqda.
Shanba kuniga o‘tar kechasi Toshkent, Samarqand, Jizzax, Sirdaryo viloyatlari hamda Toshkent shahrida +10 darajagacha, Buxoro va Navoiy viloyatlarida +12, Qashqadaryo va Surxondaryo viloyatlarida esa +13 darajagacha iliq bo‘ladi.
27-fevral kuni kunduzi havo harorati Buxoro, Navoiy, Qashqadaryo, Surxondaryo viloyatlarida +25 darajagacha, Toshkent, Samarqand, Jizzax, Sirdaryo viloyatlari hamda Farg‘ona vodiysida +23 darajagacha, Toshkent shahrida +22 darajagacha ko‘tariladi.
Shu kuni O‘zbekistonning tog‘li hududlarida havo harorati +10...+15 daraja, Qoraqalpog‘iston Respublikasi va Xorazm viloyatida esa +13...+18 daraja iliq bo‘lishi kutilmoqda.
Qayd etish joiz, “O‘zgidromet” markazi Toshkent shahrida 25-fevral kuni havo harorati +23...+25 daraja oralig‘ida bo‘lishini prognoz qilgandi, shu kuni esa havo harorati +27 darajagacha ko‘tarilib, shahardagi fevralning eng issiq kuniga aylandi.
Izoh (0)