Olimlar birinchi marta inson organlarini 3D-printerda chop qildi

Amerikalik olimlar guruhi bioprinter ishlab chiqib, unda quloq, shuningdek, suyak va muskul to‘qimalari namunalarini chop etishga muvaffaq bo‘ldi, deya xabar bermoqda TJournal.

Ustiga-ustak, chop etish orqali olingan organlarni mutaxassislar kemiruvchilarga muvaffaqiyatli tarzda ko‘chirib o‘tkazdi. Ikki haftadan so‘ng mushaklar kalamushlarda asablar shakllanishiga olib keldi, suyak implantatlari esa qon tomirlari tizimini shakllantira oldi, biroq bunga ko‘proq vaqt — bir necha oy kerak bo‘ldi.

Bu olimlar 3D-printer yordamida, “siyoh” sifatida tirik hujayralardan foydalanilgan holda, tana qismlari va to‘qimalarni tabiiy kattalikda yaratishi bilan bog‘liq birinchi holatdir.