Yevropa komissiyasi 2020-yilgacha Tojikistonga mamlakat ijtimoiy sektorini rivojlantirish va chegaralar xavfsizligini mustahkamlash uchun 251 million yevro miqdorida ko‘mak ajratadi, deb yozadi “TASS”. Bu haqda 17-fevral kuni Yevroittifoqning respublikadagi vakolatxonasi tomonidan Bryusselda o‘tkazilgan Ishbilarmonlik kengashi majlisi yakunlari bo‘yicha tarqatilgan izohda aytiladi.
“Ushbu mablag‘lar qishloq hududlarini, sog‘liqni saqlash va ta’limni rivojlantirishga yo‘naltiriladi, bu Markaziy Osiyoda yuzaga kelgan joriy iqtisodiy vaziyatda ayniqsa muhimdir”, — deyiladi hujjatda.
Unda ta’kidlanishicha, majlisda siyosiy va ma’muriy islohotlar, qonun va inson huquqlari ustuvorligi, diniy erkinlik, savdo-iqtisodiy aloqalar, shuningdek, chegaralar xavfsizligi kabi masalalar muhokama qilingan.
Izoh (0)