Европа комиссияси 2020 йилгача Тожикистонга мамлакат ижтимоий секторини ривожлантириш ва чегаралар хавфсизлигини мустаҳкамлаш учун 251 миллион евро миқдорида кўмак ажратади, деб ёзади «ТАСС». Бу ҳақда 17 февраль куни Евроиттифоқнинг республикадаги ваколатхонаси томонидан Брюсселда ўтказилган Ишбилармонлик кенгаши мажлиси якунлари бўйича тарқатилган изоҳда айтилади.
«Ушбу маблағлар қишлоқ ҳудудларини, соғлиқни сақлаш ва таълимни ривожлантиришга йўналтирилади, бу Марказий Осиёда юзага келган жорий иқтисодий вазиятда айниқса муҳимдир», — дейилади ҳужжатда.
Унда таъкидланишича, мажлисда сиёсий ва маъмурий ислоҳотлар, қонун ва инсон ҳуқуқлари устуворлиги, диний эркинлик, савдо-иқтисодий алоқалар, шунингдек, чегаралар хавфсизлиги каби масалалар муҳокама қилинган.
Изоҳ (0)