O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi davlat granti berish uchun tanlov e’lon qildi. Jamoat fondi bu haqda “Daryo”ga ma’lum qildi.
Tanlov quyidagi yo‘nalishlarda e’lon qilindi:
- “OAVlarning ijtimoiy-iqtisodiy dasturlar amalga oshirilishining borishini yoritishga, davlat organlari faoliyatining ochiqligini ta’minlashga qaratilgan loyihalarini qo‘llab-quvvatlash” mavzusida;
- “ ‘Sog‘lom ona va bola yili’ Davlat dasturida belgilangan vazifalar ijrosiga NNTlarni keng jalb qilish” mavzusida NNTlari va fuqarolik jamiyati boshqa institutlarining ijtimoiy ahamiyatga molik loyihalari;
- 2016-yilda ijtimoiy ahamiyatli loyihalarni amalga oshirishga davlat ijtimoiy buyurtmasini berish uchun nodavlat notijorat tashkilotlari va fuqarolik jamiyatining boshqainstitutlari o‘rtasida tanlov.
1. NNT va fuqarolik jamiyati boshqa institutining rahbari tomonidan imzolangan va muhr bilan tasdiqlangan kuzatuv xati;2. Davlat granti loyihasi uchun www.fundngo.uz saytida joylashtirilgan shaklda to‘ldirilgan ariza;3. Oxirgi o‘zgartish va qo‘shimchalar bilan davlat ro‘yxatidan o‘tkazilgan Ustav (Nizom) nusxasi;4. Tashkilotning davlat ro‘yxatidan o‘tkazilganligini tasdiqlovchi guvohnoma nusxasi;5. Agar loyihani amalga oshirish litsenziyalanadigan faoliyatni talab qilsa litsenziyaning nusxasi.6. Manfaatdor davlat va jamoat tashkilotlarining tavsiyanomalari, iltimosnomalari ilova qilinishi mumkin.
Bitta loyiha uchun ajratiladigan grant summasi miqdori – 25 million so‘mgacha.Hujjatlar 2016-yilning 10-fevralidan 10-martigacha qabul qilinadi.
Taqdim etilgan muhim ijtimoiy ahamiyatga molik loyihalar Jamoat fondi mablag‘larini boshqarish bo‘yicha Parlament komissiyasi tomonidan ko‘rib chiqiladi va natijalari e’lon qilinadi.
Hujjatlarni taqdim etish shartlari va hujjatlar namunalari bilan Jamoat fondining www.fundngo.uz rasmiy veb-saytida tanishish mumkin.
Ma’lumot uchun telefonlar: (0-371) 239-26-76, 239-26-64
Izoh (0)