16-fevral, seshanba kuni Namangan shahrida yerosti silkinishlari sezildi. Bu haqda O‘zbekiston Respublikasi Favqulodda vaziyatlar vazirligi xabar bermoqda.
“Toshkent” markaziy seysmostansiya bergan ma’lumotga ko‘ra, yer qimirlashi 04:59 da sodir bo‘lgan. Zilzila Toshkent shahridan 195 km sharqda, Namangan shahridan 35 km shimolda, Qirg‘iziston Respublikasi hududida ro‘y bergan.
Zilzila epitsentrida magnituda 4,2 ga teng bo‘lgan. Namangan shahrida yerosti silkinishlari 2 ballni tashkil etgan. O‘zbekistonning boshqa hududlarida seysmik faollik sezilmagan.
Eslatib o‘tamiz, O‘zbekiston hududida oxirgi marta 14-yanvarda yerosti silkinishi sezilgandi.
Izoh (0)