“O‘zbekiston havo yo‘llari” Milliy aviakompaniyasi 2016-yilning mart oyidan e’tiboran Toshkentni Rossiyaning Voronej shahri bilan bog‘laydigan reys tashkil qiladi. Bu haqda Voronej aeroporti rasmiy saytiga tayangan holda “Gazeta.uz” xabar bermoqda.
28-martdan boshlab dushanba kunlari 190 o‘rinli Boeing-757, juma kunlari esa 180 o‘rinli A-320 laynerlari Toshkent—Voronej reyslarini amalga oshira boshlaydi.
Markazi Voronej shahri bo‘lgan Sentralnoye Chernozemye mintaqasida Rossiyadagi ikkinchi eng yirik o‘zbek diasporasi istiqomat qiladi.
Ma’lumot uchun, 1970-yillarda haftasiga uch marta 100 o‘rinli samolyotlar Toshkentdan Voronejga qatnagan.
Izoh (0)