Yaponiya bosh vaziri Sindzo Abe parlamentdagi nutqi chog‘ida o‘z rafiqasiga yanglishib, itlar uchun mo‘ljallangan bioqo‘shimchani berganini aytdi, deb yozadi “RIA Novosti”.
Sindzo Abe aniqlik kiritishicha, u Yaponiyada ommabop bo‘lgan antioksidantni sotib olgan, biroq bunday preparat itlar salomatligini saqlash uchun ham tayyorlanishidan bexabar bo‘lgan. “Bir marta rafiqamga sezamin bergandim. U hammasini ichib tugatganidan so‘nggina uning jonivorlar uchun mo‘ljallanganini bilganmiz”, — deya tan oldi bosh vazir.
Ammo siyosatchi dori tarkibini o‘rganib chiqib, uning odamlar va jonivorlar uchun mo‘ljallangan turlari bir xil ekanligidan xabar topgan.
Abe o‘z hayotidagi ushbu voqeani bekorga esga olmadi. Parlamentdagi diskussiya chog‘ida deputatlardan biri unga itlarning odamlar ovqatiga ham qo‘shilishi mumkin bo‘lgan mahsulotlari uchun iste’mol solig‘ini oshirish haqida savol bergandi.
Izoh (0)