Жанубий Кореянинг бирлашиш масалалари бўйича вазирлиги Кэсон саноат паркига электр етказиб берилиши тўхтатилишини маълум қилди. Бу ҳақда «РИА Новости» хабар бермоқда.
10 февраль, чоршанба куни Жанубий Корея технопарк ҳудудидаги корхоналар фаолияти тўхтатилиши ва у ерда меҳнат қилаётган фуқаролари эвакуацияси ҳақида эълон қилди. КХДР ҳам ўзининг барча ҳодимларини олиб чиқиб кетди ва Жанубий Корея билан шошилинч алоқа линияларини узди.
Жанубий Корея сунъий йўлдошли ракета учирилганига жавобан Пхеньянни даромад манбаидан маҳрум этишга қарор қилгани билдирилмоқда. Ҳисоб китобларга кўра, КХДР ушбу саноат ҳудуди фаолияти орқасидан 616 миллиард Жанубий Корея вони (511 миллион доллар атрофида) миқдоридаги маблағ ишлаб топган.
Маълумот учун, Кэсон технопарки 2004 йилда, икки давлат ўртасидаги муносабатларда илиқлик кузатилган пайтда ишга туширилганди.
Изоҳ (0)