Sirdaryo viloyatining Guliston shahrida O‘zbekiston Respublikasi Milliy xavfsizlik xizmati chegara qo‘shinlarining bir guruh harbiy xizmatchilari oilasiga yangi uylarning kalitlari topshirildi. Bu haqda O‘zA xabar bermoqda.
Shu munosabat bilan o‘tkazilgan tadbirda viloyat hokimi, davlat va jamoat tashkilotlari vakillari, harbiylar va ularning oila a’zolari, mahalla faollari, yoshlar ishtirok etdi.
Birinchi qavati harbiy sanitariya qismi, ikkinchi qavati qism ma’muriy idoralari, uchinchi va to‘rtinchi qavati turar joylar uchun mo‘ljallangan yangi uyga 24 oila ko‘chib o‘tdi.
BRK IMPEKS qurilish firmasi tomonidan bunyod etilgan ushbu uy loyihasining zamonaviyligi, yaratilgan qulayliklari bilan harbiylar oilalariga manzur bo‘ldi. Ikki va uch xonadan iborat ko‘p qavatli uy atrofida bolalar maydonchasi, mini stadion va avtomobillar uchun maxsus joy barpo etilgan.
Tadbirda tashkilotchilar yangi uy egalariga uy-ro‘zg‘or buyumlari topshirdi. Viloyat badiiy jamoalari ijrosida konsert dasturi namoyish etildi.
Izoh (0)