Alkogol va tamaki mahsulotlarini sotish bilan shug‘ullanadigan savdo nuqtalari sotuvchilariga 20 yoshdan kichik ko‘ringan xaridorlardan yoshini tasdiqlovchi hujjat taqdim etishni talab qilish majburiyatini yuklash rejalashtirilmoqda, deb yozadi “Gazeta.uz”. Hujjat bo‘lmasa, bunday xaridorlarga mahsulot sotishdan bosh tortiladi.
Chakana savdo qoidalariga kiritiladigan tegishli tuzatishlar va boshqa hujjatlar Sog‘liqni saqlash vazirligi tomonidan tayyorlandi. Hujjatlar loyihalari (1, 2) O‘zbekiston interaktiv davlat xizmatlari yagona portalida e’lon qilindi.
Hujjatlarda ta’kidlanishicha, o‘zgartirishlar fuqarolar, avvalo, 20 yoshga to‘lmaganlar sog‘lig‘ini alkogol va tamaki mahsulotlarining salbiy ta’siridan saqlashga qaratilgan.
Qoidalarga, shuningdek, alkogol va tamaki mahsulotlarini savdo avtomatlari orqali sotishni hamda alkogol va tamaki mahsulotlariga o‘xshash ko‘rinishdagi bolalar o‘yinchoqlari va shirinliklarini sotishni taqiqlashni kiritish rejalashtirilmoqda.
Izoh (0)