Сирдарё вилоятининг Гулистон шаҳрида Ўзбекистон Республикаси Миллий хавфсизлик хизмати чегара қўшинларининг бир гуруҳ ҳарбий хизматчилари оиласига янги уйларнинг калитлари топширилди. Бу ҳақда ЎзА хабар бермоқда.
Шу муносабат билан ўтказилган тадбирда вилоят ҳокими, давлат ва жамоат ташкилотлари вакиллари, ҳарбийлар ва уларнинг оила аъзолари, маҳалла фаоллари, ёшлар иштирок этди.
Биринчи қавати ҳарбий санитария қисми, иккинчи қавати қисм маъмурий идоралари, учинчи ва тўртинчи қавати турар жойлар учун мўлжалланган янги уйга 24 оила кўчиб ўтди.
BRK IMPEKS қурилиш фирмаси томонидан бунёд этилган ушбу уй лойиҳасининг замонавийлиги, яратилган қулайликлари билан ҳарбийлар оилаларига манзур бўлди. Икки ва уч хонадан иборат кўп қаватли уй атрофида болалар майдончаси, мини стадион ва автомобиллар учун махсус жой барпо этилган.
Тадбирда ташкилотчилар янги уй эгаларига уй-рўзғор буюмлари топширди. Вилоят бадиий жамоалари ижросида концерт дастури намойиш этилди.
Изоҳ (0)