O‘zbek sportchilari bir yilda xalqaro musobaqalarning 983 ta medalini qo‘lga kiritdi

Prezident Islom Karimov raisligida 11-fevral kuni Oqsaroyda O‘zbekiston Bolalar sportini rivojlantirish jamg‘armasi Homiylik kengashining navbatdagi yig‘ilishi bo‘lib o‘tdi, deb yozadi O‘zA. Davlat rahbari Jamg‘arma tashkil etilganidan buyon, xususan, 2015-yilda amalga oshirilgan ishlar va ularning ahamiyati to‘g‘risida atroflicha fikr yuritdi.

Majlisda ta’kidlanishicha, birgina o‘tgan yili 1668 nafar o‘zbekistonlik sportchi, jumladan, 567 nafar qiz bola 165 ta xalqaro musobaqada ishtirok etib, 983 ta medalni qo‘lga kiritdi.

Yosh iqtidorli musiqachi va ijrochilar esa nufuzli xalqaro tanlovlarda 137 ta sovrinli o‘ringa sazovor bo‘ldi, ularning 76 tasi Gran-pri va birinchi o‘rinlardir.