Amerika aviatsiyasi Suriyaning Aleppo shahriga zarba berib, shundan so‘ng bombardimonda Rossiyani ayblagan. Bu haqda Rossiya mudofaa vazirligi rasmiy vakili Igor Konashenkov ma’lum qildi, deya xabar beradi Meduza.
10-fevral, chorshanba kuni Turkiya hududidan ko‘tarilgan va Suriya havo kengliklariga kirgan AQSh harbiy-havo kuchlariga qarashli ikki A-10 shturmchi samolyoti Aleppodagi obyektlarga zarba bergan. Pentagon rasmiy vakili Stiven Uorren esa go‘yoki Rossiya samolyotlari Aleppoda ikki gospitalni bombardimon qilganini bildirgan. Zarba berilgan vaqt, gospitallar joylashgan manzil, ma’lumot olingan manba Amerika tomonidan oshkor etilmagan. Vaholanki, 10-fevral kuni Rossiya samolyotlari mazkur hududda bo‘lmagan”, — deya ta’kidlagan Konashenkov.
Eslatib o‘tamiz, oldinroq Turkiya bosh vaziri Ahmed Davuto‘g‘li Rossiya qo‘llab-quvvatlayotgan hukumat qo‘shinlari hujumga o‘tganligi tufayli Alepponi tark etgan 15 mingga yaqin odam Suriya—Turkiya chegarasiga yetib kelganligini ma’lum qilgandi.
Izoh (0)