Америка авиацияси Суриянинг Алеппо шаҳрига зарба бериб, шундан сўнг бомбардимонда Россияни айблаган. Бу ҳақда Россия мудофаа вазирлиги расмий вакили Игорь Конашенков маълум қилди, дея хабар беради Meduza.
10 февраль, чоршанба куни Туркия ҳудудидан кўтарилган ва Сурия ҳаво кенгликларига кирган АҚШ ҳарбий-ҳаво кучларига қарашли икки A-10 штурмчи самолёти Алепподаги объектларга зарба берган. Пентагон расмий вакили Стивен Уоррен эса гўёки Россия самолётлари Алеппода икки госпитални бомбардимон қилганини билдирган. Зарба берилган вақт, госпиталлар жойлашган манзил, маълумот олинган манба Америка томонидан ошкор этилмаган. Ваҳоланки, 10 февраль куни Россия самолётлари мазкур ҳудудда бўлмаган», — дея таъкидлаган Конашенков.
Эслатиб ўтамиз, олдинроқ Туркия бош вазири Аҳмед Давутўғли Россия қўллаб-қувватлаётган ҳукумат қўшинлари ҳужумга ўтганлиги туфайли Алеппони тарк этган 15 мингга яқин одам Сурия—Туркия чегарасига етиб келганлигини маълум қилганди.
Изоҳ (0)