Transparency International Unmask the corrupt (“Korrupsiyani fosh qil”) kampaniyasi doirasida kompaniya, shaxs, siyosiy tizim va jamoatchilik tashkilotlaridan iborat ro‘yxatni e’lon qildi, deb yozadi “RBK”.
Ro‘yxat ishtirokchilari umumiy ovoz berish asosida, shuningdek, ushbu shaxs va tashkilotlarning inson huquqlariga o‘tkazadigan ta’siri hamda katta korrupsiyaning unchalik sezilmaydigan tomonlariga e’tibor qaratish zarurati asosida tanlab olindi.
Checheniston rahbari Ramzan Qodirovning otasi — Ahmad Qodirov jamg‘armasi 194 ta ovoz to‘pladi, loyiha mualliflari ta’kidlashicha, jamg‘arma Checheniston aholisidan oyiga 60 million dollarni qo‘lga kiritadi. Transparency’dagilar fikricha, jamg‘arma mablag‘lari “Gollivud yulduzlari ko‘nglini chog‘ qilish va ularga qimmatbaho sovg‘alar berish” maqsadlari uchun sarflanadi.
Ro‘yxatga, shuningdek, Ukraina sobiq prezidenti Viktor Yanukovich (13,2 mingta ovoz), Xalqaro futbol federatsiyasi (FIFA, 1,8 ming), Petrobras kompaniyasi (11,9 ming) kiritildi.
Izoh (0)