“Ijtimoiy va madaniy g‘oyalar yarmarkasi”da ishtirok etish uchun loyiha takliflari tanlovi e’lon qilindi

OXUS Culture tashkiloti YuNESKO shafeligida ijtimoiy sohada aholining turmush tarzini yaxshilash, hamda milliy madaniyatni rivojlantirish, qo‘llab-quvvatlash va ommaviylashtirishga qaratilgan ijtimoiy va madaniy loyiha takliflari tanlovini e’lon qiladi. Bu haqda OXUS Culture tashkiloti “Daryo”ga xabar bermoqda.

Loyiha takliflari quyidagi mavzularda bo‘lishi mumkin:

• aholining ijtimoiy zaif bo‘lgan qatlamlarini qo‘llab-quvvatlash;
• madaniyat va ijtimoiy himoya muassasalari xodimlariga ta’lim berish (takomillashtirish, malakasini oshirish, yangi ko‘nikmalar orttirish va shu kabilar);
• aholining ijtimoiy zaif qatlamining bandligi;
• nomoddiy madaniy merosni asrash va ommaviylashtirish;
• an’anaviy ijrochilik san’ati ijrochilari va mualliflarini qo‘llab-quvvatlash;
• milliy madaniyatning rivojlanishi uchun qulay shart-sharoitlar yaratish;
• kam sonli etnik aholi madaniyatini saqlab qolish;
• madaniy xilma-xillikni saqlab qolish.

Tanlovda ishirok etishni istaganlar qo‘shimcha ma’lumotlar uchun oxusculture@gmail.com elektron pochtasiga murojaat qilishi mumkin.