«Ижтимоий ва маданий ғоялар ярмаркаси»да иштирок этиш учун лойиҳа таклифлари танлови эълон қилинди

OXUS Culture ташкилоти ЮНЕСКО шафелигида ижтимоий соҳада аҳолининг турмуш тарзини яхшилаш, ҳамда миллий маданиятни ривожлантириш, қўллаб-қувватлаш ва оммавийлаштиришга қаратилган ижтимоий ва маданий лойиҳа таклифлари танловини эълон қилади. Бу ҳақда OXUS Culture ташкилоти «Дарё»га хабар бермоқда.

Лойиҳа таклифлари қуйидаги мавзуларда бўлиши мумкин:

• аҳолининг ижтимоий заиф бўлган қатламларини қўллаб-қувватлаш;
• маданият ва ижтимоий ҳимоя муассасалари ходимларига таълим бериш (такомиллаштириш, малакасини ошириш, янги кўникмалар орттириш ва шу кабилар);
• аҳолининг ижтимоий заиф қатламининг бандлиги;
• номоддий маданий меросни асраш ва оммавийлаштириш;
• анъанавий ижрочилик санъати ижрочилари ва муаллифларини қўллаб-қувватлаш;
• миллий маданиятнинг ривожланиши учун қулай шарт-шароитлар яратиш;
• кам сонли этник аҳоли маданиятини сақлаб қолиш;
• маданий хилма-хилликни сақлаб қолиш.

Танловда иширок этишни истаганлар қўшимча маълумотлар учун oxusculture@gmail.com электрон почтасига мурожаат қилиши мумкин.