Gaaga okrug sudi Rossiyaning undan “YuKOS” sobiq aksiyadorlari foydasiga 50 milliard dollar undirilishi yuzasidan bergan shikoyatini ko‘rib chiqishni boshladi, deb yozadi “RIA Novosti”.
Rossiya hakamlar sudining hukmidan norozi bo‘lib, shikoyat bermaydi, biroq cheklangan doiradagi masalalar bo‘yicha qarorlar bekor qilinishiga erishishga urinib ko‘radi.
Bugun, 9-fevral kuni Rossiya shikoyati bo‘yicha qaror chiqarilishi kutilmayapti, biroq sud uni e’lon qilish uchun aniq sanani aytishi mumkin. Hozircha tomonlar qaror aprelda chiqarilishi mumkinligiga moyillik bildirmoqda.
Eslatib o‘tamiz, Gaaga arbitraj sudi “YuKOS”ning sobiq aksiyadorlariga 50 milliard dollar tovon to‘lash lozimligi haqida 2014-yil iyulida qaror chiqargan. 2015-yil yanvarida Rossiya tovonni foizlarsiz to‘lashi mumkin bo‘lgan muddat tugadi. Iyunda Yevropa davlatlari sud qarori ijrosini ta’minlash maqsadida Rossiya hisoblari va mulklarini hibsga olishni boshladi.
2006-yilda Moskva hakamlar sudi soliq organi arizasi bilan “YuKOS”ni bankrot deb e’lon qilgan, uning asosiy aktivlari “Rosneft”ga o‘tgan edi. “YuKOS” sobiq aksiyadorlari Gaaga sudiga murojaat qilib, kompaniya majburan tortib olingani uchun tovon puli talab qilgan.
Izoh (0)