Amerikaning Facebook kompaniyasi Hindistondagi foydalanuvchilarning keng qatlamini qulay narx bo‘yicha internet bilan ta’minlashga bo‘lgan urinishlaridan voz kechmaydi, deb yozadi “TASS”.
Bu haqda kompaniya asoschisi Mark Sukerberg 8-fevral, dushanba kuni mamlakat hukumatining smartfonlar uchun Facebook dasturi orqali qator saytlarga bepul kirish imkoniyatini vaqtinchalik cheklab qo‘yish qaroriga javoban ma’lum qildi.
“Biz Hindistonda aloqani ta’minlashdek muhim maqsaddan hech qachon voz kechmaymiz, chunki bu mamlakatda bir milliarddan ortiq kishi internetga kirish imkoniyatiga ega emas, — dedi Sukerberg. — Biz ularga aloqani taqdim etib, ularga qashshoqlikdan qutulishga, millionlab ish o‘rinlarini yaratib, ta’lim olish uchun imkoniyatlarni kengaytirishga yordam berishimizni bilamiz”.
Eslatib o‘tamiz, o‘tgan yil dekabrida Hindiston telekommunikatsiya sohasidagi nazorat organi (Telecom Regulatory Authority of India, TRAI) Reliance Communications mobil operatoridan Facebook’ning Free Basics xizmatini bloklab qo‘yishni talab qilgani xabar berilgan edi.
Izoh (0)