Rossiya prezidenti Vladimir Putinning internet bo‘yicha maslahatchisi German Klimenko Microsoft va Google’ning Rossiyaga qarshi sanksiyalarga qo‘shilishini er yoki xotinning xiyonatiga qiyosladi, deb yozadi “Gazeta.ru”.
“Bu xuddi xotin erini boshqa ayol bilan ko‘rib qolgandek gap. Keyin siz qanchalik ont ichmang, foydasi yo‘q, ishonchni yo‘qotib bo‘lgan bo‘lasiz”, — dedi prezident maslahatchisi.
Uning so‘zlariga ko‘ra, Rossiyadagi 22 mingta munitsipal muassasa Windows’ni “zudlik bilan” Linux’ga almashtirishga tayyor.
Klimenko Microsoft, Google va boshqa Amerika kompaniyalari “ortga qaytib bo‘lmaydigan nuqtaga yetgani”ni ta’kidladi.
Izoh (0)