AQShning Kaliforniya shtati San-Diyego shahrida dengiz arsloni mahalliy baliq restoranlaridan biriga o‘rmalab kirdi va deraza yonidagi stollardan birini egalladi, deya xabar bermoqda CBS News.
Muassasa xodimlari jonivorni bir necha marta suratga tushirib olgach, SeaWorld bog‘i qoshidagi tashkilotdan qutqaruvchilarni chaqirdi.
SeaWorld ekspertlari so‘zlariga ko‘ra, dengiz arsloni me’yoridan ikki barobar kam vaznga ega bo‘lgan. Jonivorning ahvoli kritik deb baholandi.
El-Ninyo tabiiy hodisasi (Tinch okeanining ekvatorial qismida suvning ustki qatlami haroratining o‘zgarib turishi) tufayli 2015-yilda Kaliforniya sohillariga dengiz arslonlarining rekord miqdordagi och bolalari chiqib qoldi. Ular mustaqil ov qila olmaydi va cho‘kib ketmaslik uchun sohilga qarab intiladi.
Izoh (0)