4-fevral, payshanba kuni kechki payt kichik o‘lchamdagi uchuvchisiz havo qurilmasi Nyu-Yorkdagi eng mashhur osmono‘par bino — 102 qavatli Empire State Building binosiga kelib urildi. Bu haqda “TASS” xabar bermoqda.
Qurilma binoning 40-qavatiga kelib urilgan, so‘ng 35-qavatdagi maydonchalardan biriga kelib tushgan. Uning egasi — Nyu-jersilik yigit bino qo‘riqchilariga qurilmani unga qaytarishlarini so‘rab murojaat etgan, biroq bo‘lib o‘tgan hodisadan xabar topgan xodimlar uni politsiyaga topshirgan.
Qurilma yordamida fotosurat olmoqchi bo‘lgani taxmin etilayotgan yigit atrofdagilarning xavfsizligiga tahdid qiluvchi harakatga yo‘l qo‘yganlikda ayblanib, qamoqqa olindi.
Izoh (0)