AQSh prezidentligiga nomzod bo‘lishga da’vogar milliarder Donald Tramp nomzodi tinchlik bo‘yicha Nobel mukofotiga ilgari surildi. Bu haqda The Independent xabar bermoqda.
Trampning tarafdorlari Nobel mukofoti qo‘mitasiga yo‘llagan maktubida nomzodlari “radikal islom, IShID, yadro dasturiga ega Eron va kommunistlar Xitoyi xavfini tiyib turgan mafkurani targ‘ib etib, tinchlik uchun salmoqli hissa qo‘shayotgani”ni bildirgan.
Qo‘mita turli tashabbus guruhlari va ayrim fuqarolardan ko‘plab talabnomalar olinganligini ma’lum qildi. Jumladan, mukofotga Rim papasi Fransisk, Edvard Snouden, AQSh energetika vaziri va Eron yadro agentligi rahbari nomzodlari qo‘yilgan.
Milliarderning o‘zi tarafdorlarining mazkur tashabbusiga izoh bermagan.
Izoh (0)