Yaponiya hukumati bosh kotibi Yesixide Suga Tokiodagi matbuot anjumanida avvalroq hibsga olingan Pak Che Xun “turli axborot yig‘ish bilan shug‘ullangani”ni tasdiqladi, deb yozadi “RIA Novosti”.
Etnik koreys, tergov ma’lumotlariga ko‘ra, Shimoliy Koreya rezidenturasi (tashqi razvedka organining xorijdagi muassasasi) tayanchi bo‘lgan hamda Xitoy va Janubiy Koreyadagi agentlar o‘rtasida vositachi bo‘lgan. U Shimoliy Koreyadagi 225-raqamli bo‘lim deb ataluvchi ishxonasi rahbariyatidan ko‘rsatmalar olib, ularni agentlarga yetkazgan. U, shuningdek, pul mablag‘larini tarqatgan. Naqd pullarni topshirish uchun Xitoy va Janubiy Koreyadagi agenturaga borgan yoki ularni Yaponiyaga chaqirgan.
Pak o‘tgan yil iyunida ishsizlik nafaqasini noqonuniy tarzda qo‘lga kiritishga uringach, Tokio politsiyasida shubha uyg‘otgan. Tintuv chog‘ida kompyuteri musodara qilingan, undan 225-raqamli bo‘limdan kelgan elektron xatlar, shifr va kodlar topilgan.
Bosh kotib jurnalistlarga “puxta tekshiruv olib borilishi”ni ma’lum qildi.
Izoh (0)