“Travel.ru” sayyohlik servisi 2016-yilda rossiyalik sayyohlar orasida eng ommabop bo‘lgan MDH mamlakatlari va yaqin xorijdagi shaharlarni aniqladi. Reyting rossiyaliklar tomonidan 2016-yil 1-fevraldan 31-dekabrgacha bo‘lgan vaqt oralig‘i uchun mehmonxonalarning bron qilinishi bo‘yicha ma’lumotlar asosida tuzildi.
Reytingning yuqori o‘nligini Minsk, Tbilisi, Yerevan, Boku, Kiyev, Olmaota, Toshkent, Kishinyov, Ostona va Vitebsk band qildi.
Shuningdek, 2016-yilda rossiyalik sayyohlar orasida eng ommabop MDH va yaqin xorij mamlakatlari Gruziya, Armaniston, Ozarbayjon, Ukraina, Qozog‘iston, O‘zbekiston, Moldova, Qirg‘iziston va Tojikiston bo‘ldi.
O‘zbekistonning Toshkent, Buxoro va Samarqand shaharlariga sayohat eng ko‘p bron qilinishi ma’lum bo‘ldi.
Mehmonxonalarni bron qilish bo‘yicha Oktogo.ru sayti ma’lumotlariga ko‘ra, 2016-yilda MDH shaharlaridan Kishinyov va Toshkent sayyohlar yashashi uchun eng arzon shaharlar bo‘lsa, Ostona eng qimmati bo‘ladi.
Izoh (0)