«Travel.ru» сайёҳлик сервиси 2016 йилда россиялик сайёҳлар орасида энг оммабоп бўлган МДҲ мамлакатлари ва яқин хориждаги шаҳарларни аниқлади. Рейтинг россияликлар томонидан 2016 йил 1 февралдан 31 декабргача бўлган вақт оралиғи учун меҳмонхоналарнинг бронь қилиниши бўйича маълумотлар асосида тузилди.
Рейтингнинг юқори ўнлигини Минск, Тбилиси, Ереван, Боку, Киев, Олмаота, Тошкент, Кишинёв, Остона ва Витебск банд қилди.
Шунингдек, 2016 йилда россиялик сайёҳлар орасида энг оммабоп МДҲ ва яқин хориж мамлакатлари Грузия, Арманистон, Озарбайжон, Украина, Қозоғистон, Ўзбекистон, Молдова, Қирғизистон ва Тожикистон бўлди.
Ўзбекистоннинг Тошкент, Бухоро ва Самарқанд шаҳарларига саёҳат энг кўп бронь қилиниши маълум бўлди.
Меҳмонхоналарни брон қилиш бўйича Oktogo.ru сайти маълумотларига кўра, 2016 йилда МДҲ шаҳарларидан Кишинёв ва Тошкент сайёҳлар яшаши учун энг арзон шаҳарлар бўлса, Остона энг қиммати бўлади.
Изоҳ (0)