Bugun, 28-yanvar kuni Uzbekistan Airways Technics aviakorxonasida Samolyotlar kompozit tarkibiy qismlarini ta’mirlash va xizmat ko‘rsatish markazi ochildi, deya xabar bermoqda “O‘zbekiston havo yo‘llari” Milliy aviakompaniyasi matbuot xizmati.
Ushbu markaz Boeing-787 Dreamliner yangi avlod aviatsiya texnikasiga xizmat ko‘rsatishi ko‘zda tutilmoqda. Avvalroq uning Markaziy Osiyoda yagona bo‘lishi xabar berilgan edi.
Bu Amerikaning Boeing Co kompaniyasi va O‘zbekistonning “O‘zbekiston havo yo‘llari” milliy aviakompaniyasi qo‘shma loyihasidir.
2007—2008-yillarda “O‘zbekiston havo yo‘llari” Boeing bilan jami 645 million dollarlik to‘rtta Boeing-767-300ER va ikkita Boeing 787-8 Dreamliner samolyotlarini sotib olish haqida shartnoma imzolagan. 2014-yilning iyulida Boeing-767-300ER’ni yetkazib berish bo‘yicha shartnoma amalga oshirilgan. Ikkita 787-800 Dreamliner esa 2016-yil uchinchi choragida yetkazib beriladi.
Izoh (0)