Yaponiya iqtisod vaziri Akira Amari pora olganlikda ayblanganidan so‘ng iste’fo berdi. Mansabdor unga berilgan mablag‘lar qonuniy siyosiy xayriya ekanligi, biroq bu pullar tegishli ravishda rasmiylashtirilmagani uchun mas’uliyatni zimmasiga olishini ma’lum qilgan. Bu haqda “RBK” xabar berdi.
Korrupsiya bilan bog‘liq mojaro “Syukan bunsyun” nashrida e’lon qilingan maqoladan so‘ng boshlandi. Jurnalistlar Amarini Tiba prefekturasidagi qurilish kompaniyasidan 1 million iyena (taxminan 8,5 ming dollar) olganlikda aybladi. Bu mablag‘ning kattagina qismi amaldor siyosiy faoliyatining moliyalashtirilishi haqidagi rasmiy hisobotda o‘z aksini topmagan, bu esa qonun buzilishi hisoblanadi.
Akira Amarining iste’fosi bosh vazir Sindzo Abe uchun jiddiy zarba bo‘ldi: sobiq iqtisod vaziri hukumat rahbarining yaqin kishilaridan sanalardi.
Izoh (0)