Xitoy xalq banki 28-yanvar, payshanba kuni mamlakat moliya tizimiga 340 milliard yuan (51,9 milliard dollar) kiritdi. Bu haqda “Interfaks” xabar bermoqda.
The Wall Street Journal nashrining ma’lum qilishicha, bank shu tariqa yilning ushbu davri uchun xos bo‘lgan, fevralning ikkinchi haftasi davomida nishonlanadigan Oy taqvimi bo‘yicha Yangi yil bayrami bilan ham bog‘liq mablag‘ taqchilligining oldini olishga harakat qilmoqda.
26-yanvar, seshanba kuni o‘tkazilgan shunday amaliyot (440 milliard yuan) va to‘lov muddati o‘tgan qarz hajmini (190 milliard yuan) hisobga olganda, Xalq banki shu haftada mamlakat iqtisodiyotiga kiritgan mablag‘ 590 milliard yuanni (90,06 milliard dollar) tashkil etdi. Bu 2013-yil fevralidan beri qayd etilgan eng yuqori ko‘rsatkich hisoblanadi.
Izoh (0)