Rossiyaning Janubiy Ural mintaqasi aholisi 28-yanvar, payshanba kuni bu yil hisobidan birinchi bor “uch quyosh chiqishi” deb ataladigan noyob optik hodisa — galoni kuzatdi. Bu haqda “TASS” xabar bermoqda.
“Mintaqada havo harorati kechki payt 24 daraja sovuqqacha tushmoqda, shu sababli bulutlarda olti qirrali muz kristallari paydo bo‘lgan. Ularning orasida quyosh nurlari sinib, galo effektini keltirib chiqaradi”, — deya izoh bergan Sverdovsk viloyati bosh sinoptigi Galina Sheporenko.
O‘tgan yili Ural federal okrugi aholisi yetti bor “uch quyosh chiqishi”ga guvoh bo‘lgandi.
Eslatib o‘tamiz, 5-yanvar kuni Rossiyaning Sankt-Peterburg shahrida ham uch quyosh ko‘ringandi.
Izoh (0)