Neft eksport qiluvchi mamlakatlar tashkiloti (OPEK) bosh kotibi Abdulla al Badriy eng yirik neft ishlab chiqaruvchilarni narxlarning tushishiga qarshi birgalikda kurashishga chaqirdi. Bu haqda “RBK” xabar qilmoqda.
“Barcha asosiy ishlab chiqaruvchilar muammoning yechimini birgalikda topishga harakat qilishi juda muhim. Bozor zaxiralarning narxlarni tiklash va investitsiyalarni qaytarish darajasigacha tushganini ko‘rishi kerak. Bu nafaqat ishlab chiqaruvchilar, balki iste’molchilar uchun ham muhimdir. Dunyoga yanda ko‘proq neft kerak, bu esa ko‘proq investitsiya kerakligini anglatadi”, — dedi al Badriy.
OPEK bosh kotibining ta’kidlashicha, bozordagi muvozanatning buzilishiga, taklifning talabdan ortib ketishiga OPEK tarkibiga kirmagan mamlakatlarning harakati sabab bo‘lmoqda va aynan shu tufayli narxlarning tiklanishiga ular o‘z hissasini qo‘shishi kerak.
Al Badriyning so‘zlariga ko‘ra, 2013-yildan beri OPEK tarkibiga kirmagan mamlakatlar neft qazib olishni sutkasiga 5 million barrelga oshirgan, tashkilotning o‘zi esa 2013—2014-yillarda neft qazib olishni qisqartirgan.
“Muammo shunday, uni OPEK va OPEKga kirmaganlar birgalikda hal qilishi lozim”, — dedi tashkilot bosh kotibi.
Izoh (0)