Pichoq bilan qurollangan ekstremistlar Iordan daryosining g‘arbiy sohilidagi yahudiylarning Beyt-Xoron qishlog‘idagi do‘konda ikki nafar isroillik ayolni yaraladi. Bu haqda Isroil mudofaa armiyasi vakili Piter Lernerga tayanib, “TASS” xabar qilmoqda.
“Ikki nafar pichoq bilan qurollangan jinoyatchi Beyt-Xoron hududidagi supermarketga kirdi va ikki ayolga jarohat yetkazdi”, — dedi Lerner. Uning so‘zlariga ko‘ra, xavfsizlik xizmati xodimlari hujumchilarni voqea joyida otib tashladi.
2015-yilning oktabrida Isroil va Iordan daryosining g‘arbiy sohilida boshlangan zo‘ravonliklar hozirgacha 24 nafar isroillik va 150 nafar falastinlikning o‘limiga olib keldi.
Izoh (0)