Shimoliy Amerika aholisi dunyodagi eng og‘ir aviayo‘lovchilar ekanligi ma’lum bo‘ldi. Bu haqda APEX tashkiloti o‘tkazgan tadqiqot natijalari guvohlik bermoqda, deb yozadi Business Traveller.
Shuningdek, aviakompaniyalarning amerikalik mijozlari parvoz va ekipaj ishidan eng ko‘p norozi bo‘lishi aniqlandi.
Amerikaliklarning qariyb 25 foizi 91 kilogrammdan og‘irroq tosh bosadi. Eng yengil yo‘lovchilar esa osiyoliklar bo‘lib chiqdi. Ularning 71 foizida vazn 68 kilogrammga yetmaydi.
Bundan tashqari, tadqiqotda aniqlik kiritilishicha, yo‘lovchilar 70 foiz holatda samolyot salonidagi qulaylikni shinamlikning bosh ko‘rsatkichi deb hisoblaydi. Ular uchun bu mezon ko‘ngilochar xatti-harakatlar, bortdagi xizmat ko‘rsatish va taomlar sifatidan ko‘ra ustunroq.
Aviakompaniyalar mijozlari ko‘pincha o‘rindiqlar o‘rtasidagi masofa qisqaligi va kreslolar noqulayligi yuzasidan norozi bo‘ladi. Sayohatchilarning 60 foizi oyoqlarni qo‘yish uchun kattaroq joy ajratilishiga qo‘shimcha mablag‘ to‘lashga tayyor.
Izoh (0)