Шимолий Америка аҳолиси дунёдаги энг оғир авиайўловчилар эканлиги маълум бўлди. Бу ҳақда APEХ ташкилоти ўтказган тадқиқот натижалари гувоҳлик бермоқда, деб ёзади Business Traveller.
Шунингдек, авиакомпанияларнинг америкалик мижозлари парвоз ва экипаж ишидан энг кўп норози бўлиши аниқланди.
Америкаликларнинг қарийб 25 фоизи 91 килограммдан оғирроқ тош босади. Энг енгил йўловчилар эса осиёликлар бўлиб чиқди. Уларнинг 71 фоизида вазн 68 килограммга етмайди.
Бундан ташқари, тадқиқотда аниқлик киритилишича, йўловчилар 70 фоиз ҳолатда самолёт салонидаги қулайликни шинамликнинг бош кўрсаткичи деб ҳисоблайди. Улар учун бу мезон кўнгилочар хатти-ҳаракатлар, бортдаги хизмат кўрсатиш ва таомлар сифатидан кўра устунроқ.
Авиакомпаниялар мижозлари кўпинча ўриндиқлар ўртасидаги масофа қисқалиги ва креслолар ноқулайлиги юзасидан норози бўлади. Саёҳатчиларнинг 60 фоизи оёқларни қўйиш учун каттароқ жой ажратилишига қўшимча маблағ тўлашга тайёр.
Изоҳ (0)