Toshkent viloyatida joylashgan Chorvoq suv ombori intensivligi 8 ballgacha bo‘lgan zilzilalar yuz beradigan hududda joylashgan. Bu haqda, O‘zbekiston Fanlar akademiyasi Seysmologiya instituti yetakchi ilmiy mutaxassisi Roman Ibragimovga asoslanib, UZ24 xabar bermoqda.
Mutaxassisning so‘zlariga ko‘ra, suv ombori kamida 8 balli zilzilaga bardosh bera oladigan qilib qurilgan. Institut laboratoriya mudiri, professor Turdiali Ortiqovning ma’lum qilishicha, bunday suv omborlarini qurishda, ularni yanada mustahkamroq qilib bunyod etish uchun, mavjud ma’lumotlarga yana bir ball qo‘shiladi.
“Chorvoq suv ombori bunyod etilganiga yarim asrdan oshdi va har bir zilzila uning tuprog‘ini zichlashtiradi, bu esa suv omborining ishonchliligini oshiradi”, — dedi Turdiali Ortiqov.
Izoh (0)