21-yanvarning muhim yangiliklari — “Daryo”ning kechki dayjestida.
1. Astronomlar Quyosh tizimidagi 9-sayyora topilgani haqida ma’lum qildi. Aytishlaricha, yangi sayyoraning Quyosh atrofida aylanish davri 15 ming yilni tashkil etadi. Taqqoslash uchun, Yer Quyosh atrofini bir yilda (365 kunda) aylanib chiqadi.
2. O‘zbekistonning birinchi raketkasi Denis Istomin kelishilgan o‘yinlarda ishtirok etganlikda gumon qilinmoqda. Gumonlanuvchilar ro‘yxatida, Istomindan tashqari, so‘nggi 10 yil davomida xalqaro tennis reytingining kuchli 50 taligi kira olgan yana kamida 15 nafar tennischi bor.
3. Angela Merkel qochoqlarni qabul qilishga cheklov o‘rnatishdan yana bosh tortdi. Avstriya esa bu masalada qat’iy — mamlakatda 2019-yilgacha qabul qilingan muhojirlar soni 127 500 kishidan oshib ketmasligi kerakligi belgilab qo‘yildi.
4. Davavianazorat: O‘zbekiston samolyotlari bortida elektron qurilmalardan foydalanish mumkin. Avvalroq “O‘zbekiston havo yo‘llari”ning samolyotlari yo‘lovchilariga yurish, ko‘tarilish va qo‘nish vaqtida fotosuratga va videotasvirga olish taqiqlangan edi.
5. Ozoda Nursaidova: Dilfuza Ismoilovaning suratlarini ataylab tarqatish shart emas, u hamma to‘ylarda shunday raqsga tushadi. Gap bundoq — xonanda Dilfuza Ismoilova bir restoranda raqsga tushayotgani aks etgan suratlari tarqalgani uchun hamkasbi Ozoda Nursaidovani ayblagan edi.
Bonus: futbol bo‘yicha O‘zbekiston olimpiya terma jamoasining muvaffaqiyati uchun yetishmagan kamida yetti jihat haqida o‘qing, zeriksangiz, poytaxtlar haqidagi testni yeching.
Izoh (0)