Qozog‘istonning “Nur.kz” nashri muxbirlari hisob-kitob qilib, mamlakatda bir litr suv narxi shuncha miqdordagi neft narxidan ancha baland ekanligini aniqladi.
“Dollar qat’iy ravishda qimmatlashib bormoqda, neft esa kundan-kunga arzonlashmoqda”, — deyiladi xabarda.
Jurnalistlar 28 dollar — ommabop Brent markasidagi neftning bir barreli narxini 158,987 ga (bir barrel shuncha litrdan iborat) bo‘ldi. Natijada bir litr uchun 0,176 dollar kelib chiqdi.
21-yanvar holatiga ko‘ra, Qozog‘istonda 1 dollar 385 tengega teng. Demak, bir litr neft narxi 67,8 tengeni tashkil qiladi.
Qozog‘iston do‘konlarida esa eng arzon ichimlik suvining bir litri kamida 95 tenge turadi. Bundan shunday xulosa kelib chiqadiki, neft ichimlik suvidan qariyb uch barobar arzon.
Izoh (0)