Texas hukumati 20-yanvar, chorshanba kuni 15 yil avval odam o‘ldirganligi uchun sudlangan jinoyatchini qatl qildi, deya xabar bermoqda “TASS”. Shtatda 2016-yildagi birinchi bunday hukm o‘lim inyeksiyasi orqali ijro etildi.
O‘tgan yili Texasda bu yo‘l bilan 13 jinoyatchi, butun AQShda esa 28 kishi qatl etilgan edi.
43 yoshli Richard Masterson 2001-yil yanvarida 35 yoshli Darin Sheyn Xanikatt qotilligida aybdor deb topilgan edi. Masterson ko‘p bora sud hukmi qayta ko‘rib chiqilishiga erishmoqchi bo‘lgan. U to‘rt marta AQSh Oliy sudiga murojaat qilib, afv etilishini so‘ragan. Uning so‘nggi arizasi 20-yanvar kuni rad etildi.
Izoh (0)