Checheniston rahbari Ramzan Qodirovning bayonoti bo‘yicha Inson huquqlari kengash hisoboti ortiqcha muhokamalarning oldini olish uchun shaxsan Vladimir Putinga yetkaziladi. Bu haqda Inson huquqlari bo‘yicha kengash raisi o‘rinbosari Yevgeniy Bobrov ma’lum qildi, deb xabar beradi “Interfaks”.
“Hisobot maxfiy bo‘ladi. Biz uni shaxsan prezidentga yetkazamiz. Prezident bizning ishimiz natijasini oshkor qilishga qaror qilmasa, biz uni chop etmaymiz”, — dedi Bobrov.
Uning so‘zlariga ko‘ra, Checheniston rahbarining so‘zlari lingvistik ekspertizaga yuborilgan. “Uning qancha muddat davom etishini aytish qiyin, materiallar shunchalik ko‘pki, uning faqat bir qismi o‘rganilishi ham mumkin”, — dedi kengash raisi o‘rinbosari.
Eslatib o‘tamiz, 12-yanvar kuni Qodirov jurnalistlar bilan uchrashuvda “tizimdan tashqaridagi muxolifat vakillariga xalq dushmanlari, xoinlar kabi munosabatda bo‘lish”, “bunday kishilarni ularning qo‘poruvchilik faoliyati uchun sud qilish”ga da’vat etgan edi.
Huquq muhofazachilari va jamoatchilik arboblari esa uni ushbu gaplari uchun iste’foga chiqarilishini talab qilib, ariza yozdi.
26-yanvar kuni esa “Yabloko” partiyasi faollari Ramzan Qodirovning iste’fosini talab qilib, miting uyushtiradi.
Izoh (0)