Nomini oshkor etmagan va sportdagi faoliyatini davom ettirayotgan chililik tennischi kelishilgan o‘yinlarda ishtirokini tan oldi. Sportchi Chili tennis federatsiyasiga yozgan ochiq maktub tashkilot saytida e’lon qilingan.
Tennischi professional tennischilar assotsiatsiyasining (ATP) “Fyuchers” va “Chellenjer” turkumidagi turnirlarida muntazam qatnashishini ma’lum qilgan.
“Ilk natijalarga erishayotgan paytlarimda oldimga bir kishi kelib, ‘Fyuchers’ning birinchi raundidagi mag‘lubiyat uchun 1,5 ming dollar taklif etdi. Men rozi bo‘lmadim va o‘yinda g‘olib chiqdim. Oradan bir hafta o‘tib, o‘sha odamning o‘zi endi 2 ming dollar taklif qildi. Men yutqazdim, 117 dollar mukofot puli oldim, biroq cho‘ntagimda 2 ming dollar bor edi”, — deyiladi mazkur maktubda.
Eslatib o‘tamiz, oldinroq Show Legend portali so‘nggi 10 yil davomida xalqaro tennis reytingida kuchli 50 talikdan joy olib, tennisdagi kelishilgan o‘yinlarda qatnashgani gumon qilinayotgan 16 nafar tennischining ismini oshkor etdi. Ular orasida O‘zbekistonning birinchi raqamli raketkasi Denis Istomin ham borligi aytilmoqda.
Izoh (0)