O‘zbekistonning birinchi raketkasi Denis Istomin tennis bo‘yicha “Katta dubulg‘a” turkumiga kiruvchi yilning eng birinchi musobaqasi — Avstraliya Ochiq chempionatidagi ishtirokini yakunladi. Bu haqda “GoTennis.ru” xabar bermoqda.
Istomin musobaqaning juftliklar bahsida belaruslik Aleksandr Buriy bilan tandem hosil qilgandi. Ular belaruslik Maksim Mirniy va filippinlik Trit Xueyga qarshi birinchi bosqich bahsida 6:7, 6:4 va 6:7 hisobida imkoniyatni boy berdi.
Bellashuv 2 soatu 20 daqiqa davom etdi. Bu vaqt ichida Maks va Trir beshta eys va bitta breykni amalga oshirdi. Denis va Aleksandr esa o‘n marta eysni va ikki marta breyk-poyntni amalga oshirdi.
Denis Istomin Avstraliya Ochiq chempionatining yakkalik bahslarida ham musobaqani birinchi davradayoq yakunlagandi.
Eslatib o‘tamiz, Istomin kelishilgan o‘yinlarda ishtirok etganlikda gumon qilinmoqda.
Izoh (0)