Euronews telekanali “O‘zbekistondan otkritkalar” nomli ko‘rsatuvlar turkumi orqali mamlakat madaniy-tarixiy merosini yoritishda davom etmoqda. 11-yanvar kuni dasturning Xiva obidalari — Ichan-qal’a va Kalta Minor haqida hikoya qiluvchi ikkinchi reportaji efirga uzatildi. Bu haqda “O‘zbekturizm” milliy kompaniyasi matbuot xizmati xabar berdi.
Mazkur reportaj translyatsiyasi 17-yanvargacha amalga oshiriladi. Uni telekanal, shuningdek, “O‘zbekturizm” milliy kompaniyasi saytidan ham topish mumkin.
Euronews 2015-yil oktabridan beri har kuni O‘zbekistonning turizm salohiyati haqida 30 soniyali reklama roligini ham namoyish etib kelmoqda.
Eslatib o‘tamiz, “O‘zbekistondan otkritkalar”ning birinchi reportaji Samarqanddagi Go‘ri Amir maqbarasiga bag‘ishlangandi.
Izoh (0)