Shvetsiyaning Kalmar shahri politsiyasiga 17 ayol murojaat etib, 1-yanvarga o‘tar kechasi ularga jinsiy tegajoqlik qilinganini ma’lum qildi. Bu haqda Shvetsiya telegraf byurosiga tayanib, “Korrespondent.net” xabar qilmoqda.
Jabrlanuvchilarning so‘zlariga ko‘ra, Yangi yil bayram tadbirlari vaqtida hujumlar muhojirlar tomonidan sodir etilgan. Ayollarning ko‘pchiligi qo‘rqib ketgan, ammo ulardan hech biri zarar ko‘rmagan.
“Barcha arizalarda so‘z Kalmar markazidagi huquqbuzarliklar haqida bormoqda”, — dedi politsiya vakili Anna Virblad.
Eslatib o‘tamiz, oldinroq Germaniyaning Kyoln shahrida ham Yangi yil arafasida 1000 ga yaqin muhojirlar ayollarga tegojoqlik qilgani haqida politsiyaga 100 dan ortiq ariza kelib tushgan edi.
Izoh (0)