Ispaniyada qirol Felipe IV ning singlisi Kristina va uning turmush o‘rtog‘i Inyaki Urdangarin ishtirokidagi sud jarayoni boshlandi. Hammasi bo‘lib bu ish bo‘yicha 18 kishi javob bermoqda, deya xabar beradi “RIA Novosti”.
Malika 2007—2008-yillarda soliq bilan bog‘liq jinoyatga qo‘l urganlikda ayblanmoqda: Kristina o‘ziga qarashli bo‘lgan Aizoon firmasi soliq to‘lashidan qochishi orqali foyda olganligi gumon etilgan. Shuningdek, uning turmush o‘rtog‘i rahbariyat tarkibiga kirgan Noos instituti mahalliy ma’muriyatlardan noqonuniy olgan yirik miqdordagi mablag‘lar mazkur firmaga o‘tkazib berilgani ham taxmin qilinmoqda.
Sud arafasida Urdangarinning biznes-sherigi bo‘lgan Diyego Torres Qirollik uyi ayblov e’lon qilingan ishlar haqida nafaqat bilgani, hatto “qator holatlarda hamkorlik ham qilgani”ni ta’kidlamoqda. Biroq, uning bildirishicha, amalga oshirilgan bitimlarning barchasi qonuniy bo‘lgan.
Izoh (0)