8-yanvar, juma kuni Sochidagi “Yug Sport” markazida dzyudo bo‘yicha Rossiya terma jamoasi mashg‘ulotlarida qatnashgan Vladimir Putin sportchilar bilan bir necha sparring o‘tkazdi. Ular orasida dzyudo bo‘yicha xalqaro toifadagi sport ustasi, mamlakat chempioni, London olimpiadasi qatnashchisi Irina Zabludina ham bor edi, deya xabar beradi “Segodnya.ua”.
O‘tgan yil oktabrida Toshkentda bo‘lib o‘tgan dzyudo bo‘yicha Gran-pri turnirida kumush medalni qo‘lga kiritgan 28 yoshli Zabludina sambo va dzyudo bo‘yicha sport ustasi bo‘lgan Rossiya prezidentini mag‘lub etib, tatamiga qulatdi. “Juda o‘jar qiz ekan! ‘Sizni albatta yiqitishim kerak’ dedi, mahkam yopishib oldi”, deya bellashuvga izoh bergan Putin.
Rossiya prezidenti bilan mashg‘ulotda ishtirok etgan sportchilar bu odatiy mashqlar bo‘lgani, “Putinga yon berish bo‘yicha hech qanday ko‘rsatma berilmagani”ni ta’kidlagan.
Izoh (0)